Vantage Point

pagkatapos mapanood ni master ang bagets at pagkatapos pagdusahan ang panunupil ng clerico-pasistang paaralang (juice mother mo pudra v.!) pinamumunuan ng mga secular na pari, kailangang baguhin na ang istayl ni master.

isang napakalaking transformation ang nangyari, mula sa pormang etivacs¹ naging pormang bagets na si master.

ano daw ang pormang etivacs?

simple lang at madaling makilala ang pormang etivacs:

1. ambell² levi’s³ na low-waist, kailangang ang bulsa ay malapit na sa alak-alakan
2. scarf na light color, kailangang maayos ang pagkakatupi at ilalagay sa kaliwang bulsa ng maong sa likod, dapat ding nakalitaw ito para mapansin (pamorma lang, di kailangang gamitin).
3. hanes t-shirt (printed or plain), dapat yung maikli ang manggas at medyo fitting at maikli (para makita ang scarf), nakapaloob ang harapan sa pantalon para makita ang susunod na item
4. leather belt na malalaki ang buckles (para ready sa rambol), pwede baril, harley davidson at kung ano-ano pang brass or stainless buckle
5. ang toga dapat hush puppies, yung gamosa (hehehehe!), may special care jan dapat 7-up ang pang-linis para manatili yung ganda ng gamosa
6. ang buhok, dapat gupit “tiwart⁴“, yung parang may ipo-ipo sa ibabaw ng noo, laylay ang bangs tapos brush up, basta yun na yun!
7. s’yempre dapat samahan yan ng choice of music, dapat ang nasa playlist mo ay heavy slow rock at rock. dapat ang mga “bala⁵” mo deep purple, led zepp, juan dela cruz at kung ano-ano pa, basta maingay! pag hapon dapat hawak mo na ang transistor radio mo at nakikinig ka sa frc
8. optional accessories, rayban, yosi at iba pang kolorete.

galing sa pormang etivacs naging bagets ang nagbibinatang si master.

1. choice between baston na slack or stretch na maong, dapat yung bitin (ala michael jackson).
2. colorful na polo, dapat striking ang kulay tapos hindi isasara ang butones, dapat din naka-tupi ang manggas na litaw ang manggas ng panloob.
3. panloob na plain tshirt, normally puti lang pero mas striking yung may kulay. minsan ay hanging shirt ang panloob.
4. sa toga, either espadrille, blah-blah o kaya naman canvass na chuck taylor na magka-ibang kulay
5. ang buhok dapat one-sided na ginamitan ng super daming gel, yung mga extreme nilalagyan pa ng glitters pag may party, pormang robert smith ng the cure. would you believe na vaseline petroleum jelly ang unang gamit kong gel. hehehehe!
6. shades na close to what randy santiago is wearing.
7. sa music, new wave ang trip.

it was not easy to transform, sa cavite kasi, parang isang outfit lang ang allowed, parang kabaduyan kapag nag-iba ka ng porma. kung tawagin nga kami ay “tropang bagets”, di lang naman kami ang nagbago, marami din namang gumaya sa pormang bagets, kaya lang sikat talaga ang makukulit!

Popularity: 40% [?]

1. binaligtad lang na cavite yan, wag n’yo masyadong pag-isipan [↩]
2. american bell [↩]
3. normally pasadya ang tahi [↩]
4. style rod stewart, gets n’yo? tiwart, pinaikling stewart [↩]
5. caseette tape [↩]