Vantage Point

di pa naman katagalan ako dito sa kaharian ng saudi arabia, magpi-pitong taon na simula noong una akong lumapag sa dhahran international airport. sa kabuuan, limang taon pa lang ang aking pamamalagi dito (kung ibawas ang mga bakasyon), naisip ko lang, ang laki na rin at ang daming pagbabago simula ng dumating ako dito, sinubukan kong maglista ng ilan sa mga pagbabagong iyon.

1. noon 8 riyals¹ ang bawat minuto ng tawag sa pilipinas, ngayon 2.6 riyals na lang²
2. noon napakaraming rekisitos bago magkaroon ng cell phone, at dahil nga linya, may monthly limit pa at limited ang numerong matatawagan, ngayon makakabili na ng pre-paid sim card, nagdagsaan na rin ang mga bagong modelong cellphone at mabilis ang pagbaba ng presyo
3. noon limitado ang internet cafe bukod pa rito ang mataas ng presyo (15 riyals per hour) at ang masakit dial-up pa, ngayon parang kabute na nagsulputan ang mga internet cafe at bunga nito nagmurahan na rin (may 5 riyals, 4 riyals, 3 riyals, 4 na oras sampu, etc.) at dsl na ang connection.
4. noon napakahirap magpakabit ng landline, napakaraming rekisitos, ngayon isang tawag na lang sa toll-free, makakabitan ka na ng telepono
5. noon napakahigpit nila sa pagsu-suot ng shorts (para sa mga lalaki), ngayon medyo linient na sila, basta lagpas tuhod ang short

ilan lang yan sa mga pagbabagong nakita ko, marami pa rin ang bawal, lalo na’t salungat ito sa kanilang kultura at pananampalataya. may kahirapan ang manatili dito, hindi lamang ang sakripisyo ng pagkalayo sa pamilya ang mararanasan, ang pagkalayo sa mga kinasanayan mong mga gawi. who knows, baka ang mga pagbabagong iyan ay maganap sa mga darating na panahon.

Popularity: 14% [?]

1. noong panahon ni kd mas malaki 16 riyals pa yata yun [↩]
2. o mas mababa pa, depende sa oras at lugar na tatawagan [↩]